2018-19 അധ്യയന വർഷത്തിലെക്കുള്ള ക്ലാസ് പ്രതിനിധികളെയും പാർലമെൻ്റ് അംഗങ്ങളെയും കണ്ടെത്തുന്നതിനുള്ള തെരഞ്ഞെടുപ്പ് രണ്ട് ഘട്ടങ്ങളിലായി സ്കൂളിൽവെച്ച് നടന്നു. ഒന്നാം ഘട്ട തെരഞ്ഞെടുപ്പ് വഴി ഓരോ ക്ലാസിൽനിന്നും രണ്ട് വീതം അംഗങ്ങളെ ബാലറ്റ് പേപ്പർവഴിതെരഞ്ഞെടുക്കുകയും അവരിൽ നിന്ന് കമ്പ്യൂട്ടർ സോഫ്റ്റ് വെയർ ഉപയോഗിച്ച് കമ്പ്യൂട്ടറുകളെ ഇലക്ട്രോണിക്ക് വോട്ടിംഗ് മെഷീനായിപരിവർത്തിച്ച് മൂന്ന് ബൂത്തുകളിലാണ് മുഴുവൻ സ്കൂളിലെ മുഴുവൻ കുട്ടികൾക്കും അധ്യായന വർഷത്തിലെ പ്രധാനമന്ത്രിയെയും പാർലമെൻ്റ് അംഗങ്ങളെയും തെരെഞ്ഞെടുത്തത്. വോട്ടെടുപ്പിൻ്റെ എല്ലാ ചട്ടങ്ങളും നടപടിക്രമങ്ങളും പാലിച്ച് നടത്തിയ രണ്ട് ഘട്ട തെരഞ്ഞെടുപ്പിലൂടെ ജനാധിപത്യരീതിയിലുള്ള വോട്ടെടുപ്പ് സംമ്പ്രദായം അനുഭവിച്ചറിയുകയായിരുന്നു വിദ്യാർഥികൾ. ആദ്യഘട്ട വോട്ടെടുപ്പിൽ തെരഞ്ഞെടുക്കപ്പെട്ടവരിൽനിന്ന് നോമിനേഷൻവഴിയാണ് രണ്ടാം ഘട്ട തെരഞ്ഞെടുപ്പിലേക്കുള്ള സ്ഥാനാർഥികളെ നിശ്ചയിച്ചത്. സ്ഥാനാർഥിപട്ടിക അംസംബ്ലിയിൽവെച്ച് എച്ച്.എം. പുറത്തിറക്കി. തെരഞ്ഞെടുപ്പിന് എസ്.എസ്. ക്ലബ്ബ് മേൽനോട്ടം വഹിക്കുകയും ലിറ്റിൽകൈറ്റ്സ് സാങ്കേതിക സഹായം നൽകുകകയും ചെയ്തു.
