പ്രളയാനന്തര പ്രതിരോധം

ആനക്കയം ഗ്രാമപഞ്ചായത്തിൻ്റെ ആഭിമുഖ്യത്തിൽ സെപ്ത. 14,15,16 തിയ്യതികളിൽ നടപ്പാക്കുന്ന പ്രളയാന്തര പ്രതിരോധ ജനകീയ ജാഗ്രതയുടെ പഞ്ചായത്ത് തല ഉദ്ഘാടനം ഇരുമ്പുഴി ഹൈസ്കൂൾ ഓഡിറ്റോറിയത്തിൽ നടന്നു. പഞ്ചായത്ത് പ്രസിഡണ്ട് പി.ടി. സുനീറ ഉദ്ഘാടനം ചെയ്തു. എച്ച്. എം സ്വഗതം പറഞ്ഞു. സമ്മേളനത്തിന് ശേഷം ജെ.ആർ.സി. എസ്.പി.സി അംങ്ങൾ സ്കൂളും പരിസരവും വൃത്തിയാക്കി.

ഹർത്താൽ ദിനം സേവനത്തിനായി ഉപയോഗിച്ചു

ഹർത്താൽ ദിനത്തിൽ ആനക്കയം ഗ്രാമ പഞ്ചായത്തിലെ കിണറുകൾ   ഇരുമ്പുഴി ഹൈസ്കൂളിലെ എസ്.പി.സി, റെഡ് ക്രോ സ് ടീം അംഗങ്ങൾ, ഹയർസെകണ്ടറിവിഭാഗത്തിലെ  അംഗങ്ങൾ, പഞ്ചായത്ത്  ആശാ വർക്കർമാർ എന്നിവരുടെ സംയുക്താഭിമുഖ്യത്തിൽ ക്ലോറിനേറ്റ് ചെയ്തു. ആനക്കയം ഗ്രാമ പഞ്ചായത്ത് പ്രസിഡണ്ട് പി.ടി.സുനീറ ഫ്ലാഗ് ഓഫ് ചെയ്തു. ആനക്കയം ജൂനിയർ ഹെൽത്ത് ഇൻസ്പെക്ടർ ശ്രീജിത്ത് ക്ലോറിനേഷൻ പരിചയപ്പെടുത്തി. മെഡിക്കൽ ഓഫീസർ ഡോ: യൂനുസ്, പഞ്ചായത്ത് മെമ്പർ യു. മൂസ, പ്രോഗ്രാം ഓഫീസർ അബ്ദുറഷീദ്, അധ്യാപകരായ സാലിം, റഷീദ് എന്നിവർ സംബന്ധിച്ചു.

ഒരു ചോദ്യം ഒരു സമ്മാനം

സ്കൂളിലെ ജെ.ആർ.സി. യൂണിറ്റ് സ്വതന്ത്ര്യദിനാഘോഷത്തിൻ്റെ ഭാഗമായി നടത്തിയ ബോധവൽക്കരണ യാത്രയാണ് ഒരു ചോദ്യം ഒരു സമ്മാനം. സ്വതന്ത്ര്യചരിത്രവുമായി ബന്ധപ്പെട്ട ലളിതമായ ചോദ്യങ്ങൾ നൽകി ഉത്തരം പറയുന്നവർക്ക് മിഠായികളും ബോധവൽക്കരണ നോട്ടീസും നൽകി. കടകളിലും വീടുകളിലും സ്നേഹോഷ്മളമായ സ്വീകരണമാണ് യാത്രാ സംഘത്തിന് ലഭിച്ചത്. നാട്ടിൽ വർഗീയതയും അസമാധാനവും പ്രചരിപ്പിക്കാനുള്ള ശ്രമങ്ങൾക്കെതിരെ ഇന്ത്യയുടെ അടിസ്ഥാനങ്ങളായ മതേതരത്വവും ജനാധിപത്യവും കാത്തുസൂക്ഷിക്കേണ്ടതിൻ്റെ പ്രാധാന്യം ജനങ്ങളെ മനസ്സിലാക്കിക്കൊടുക്കുക എന്നതായിരുന്നു ബോധവൽക്കരണ യാത്രയുടെ ലക്ഷ്യം. 

ജെ.ആർ.സി അംഗങ്ങൾ നൽകിയ മധുര പലഹാരവും സന്ദേശ ലഘുലേഖയും ജനങ്ങൾ ഹൃദ്യമായി സ്വീകരിച്ചു. എം. അബ്ദുൽ മുനീർ, ടി.അബ്ദുൽ റഷീദ്, കെ.പി മുഹമ്മദ് സാലിം ,കെ.മധുസൂദനൻ ,കെ.അബ്ദുൽ ജലീൽ, സി.കെ അബ്ദുൽ ലത്തീഫ് ഹബീബ് വരിക്കോടൻ, പി.കെ സി ജി എന്നിവർ നേതൃത്വം നൽകി. 

ജെ.ആർ.സി. ട്രൈനിംഗ്

സ്കൂളിലെ ജെ.ആർ.സി അംഗങ്ങൾക്ക് ട്രൈനിംഗ് നടന്നു. മുഹമ്മ് സാലിം മാസ്റ്റർ നേതൃത്വം നൽകി.

ജെ.ആര്‍.സി.

വിദ്യാര്‍ഥികളിൽ കരുണയും സേവനമനോഭാവവും വ‍ളര്‍ത്തുന്നതിന് വേണ്ടി ലോകാരോഗ്യസംഘടനയുടെ കീഴിൽ നടന്നുവരുന്ന Junior Red Cross (J.R.C.) സ്കൂൾ യൂണിറ്റ് നല്ല രൂപത്തിൽ നടന്നുവരുന്നു. വിവിധ പ്രവ‍ര്‍ത്തനങ്ങൾ ഈ വര്‍ഷവും ജെ.ആര്‍.സിക്ക് കീഴിൽ നടന്നു. 2015-16 അദ്യയനവര്‍ഷത്തിലാണ് ഇത് രൂപീകരിക്കപ്പെട്ടത്. മലപ്പുറം എം.എൽ.എ. പി. ഉബൈദുള്ള സാഹിബ് ആണ് സ്കൂൾ യുണിറ്റിന്റെ ഉദ്ഘാടനം നിര്‍വഹിച്ചത്.  എട്ടാം ക്ലാസിലെ 25 കുട്ടികളുമായി ആരംഭിച്ച ജെ.ആര്‍.സിയിൽ ഇപ്പോൾ എട്ടിലും ഒമ്പതിലുമായി 50 അംഗങ്ങളുണ്ട്. ഇതിന്റെ സി.ലെവൽ പരീക്ഷ പാസാകുകയും ക്യാമ്പ് സര്‍ട്ടിഫിക്കറ്റ് നേടുകയും ചെയ്യുന്ന വിദ്യാര്‍ഥികൾക്ക് എസ്.എസ്.എൽ.സി പരീക്ഷയിൽ ഗ്രേസ് മാര്‍ക്കിന് അര്‍ഹതയുണ്ടായിരിക്കും. 

പ്രവ‍ര്‍ത്തനങ്ങൾ :

* ലഹരിക്കെതിരിയെുള്ള ചിത്രരചനാ കാര്‍ട്ടൂണ രചനാ മത്സരം

* ജനസംഖ്യദിനത്തിൽ പ്രസംഗമത്സരം

* ഡിസംബര്‍ 1 ന് എയ്ഡ്സ് ബോധവൽക്കരണ റാലി

* പോളിയോ ദിനത്തിൽ ബൂത്തുകളിൽ സന്നദ്ധ സേവനം

മുതലായ പ്രവ‍ര്‍ത്തനങ്ങൾ നടത്തിവരുന്നു..

Junior Red Cross (J.R.C)

Motto:

Health service and friendship

Aim:

I serve to enhance students interested to love and serve others.