സംസ്ഥാന സർക്കാർ പദ്ധതിയായ പൊതുവിദ്യാലയങ്ങളുടെ ഹൈടെക് വൽക്കരണത്തിൻ്റെ ഭാഗമായി ഇരുമ്പുഴി ജി.എച്ച്.എസ്.സ്കൂൾ നാട്ടുകാരുടെയും രക്ഷിതാക്കളുടെയും അദ്ധ്യാപകരുടെയും ജില്ലാ പഞ്ചായത്തിൻ്റെയും സഹായത്തോടെ വിപുലമായ സൌകര്യമാണ് ഒരുക്കിയത്. മുഴുവൻ ക്ലാസുമുറികളും അതിനായി അണിഞ്ഞൊരുങ്ങിയ വിവരം നേരത്തെ അറിയിച്ചിരുന്നല്ലോ. അതിൻ്റെ അടിസ്ഥാനത്തിൽ കൈറ്റ്സ് വിതരണം ചെയ്ത ആദ്യഘട്ട ഉപകരണങ്ങൾ ഉടനെ തന്നെ ക്ലാസുറൂമുകളിൽ ഫിറ്റ് ചെയ്യുകയും ഈ വർഷം പഠനം പൂർത്തിയാക്കുന്ന വിദ്യാർഥികൾക്ക് പരമാവധി അതിൻ്റെ സൌകര്യം ലഭിക്കുന്നതിന് അഞ്ച് ക്ലാസു മുറികൾ ഹൈടെക്കാക്കി മാറ്റുകയും ചെയ്തു. ജനപ്രതിനിധികളുടെ സൌകര്യം കൂടി കണക്കിലെടുത്ത് ഒൌദ്യോഗികമായ ഉദ്ഘാടനം 30/03/2019 ന് ശനിയാഴ്ച മലപ്പുറം എം.എൽ.എ. ശ്രീ പി. ഉബൈദുല്ല നിർവഹിക്കും.
Comments
Post a Comment