പ്രളയബാധിതരായകുട്ടികൾക്കുവേണ്ടി

എസ്.പി.സി.(സ്റ്റുഡൻ്റ് പോലീസ് കേഡറ്റ്) ൻ്റെ നേതൃത്വത്തിൽ പ്രളയബാധിത പ്രദേശങ്ങളിലെ കുട്ടികൾക്ക് പഠനോപകരണങ്ങൾ ശേഖരിച്ചു. വയനാട്ടിലും നിലമ്പൂരിലുമുണ്ടായ ഉരുൾപൊട്ടലും വെള്ളപ്പൊക്കത്തിലും വീടുകളും അതോടൊപ്പം പാഠപുസ്തകങ്ങളും നഷ്ടപ്പെട്ട വിദ്യാർഥികൾക്കായി പഠനോപകരണങ്ങൾ ശേഖരിക്കാൻ നേരത്തെ തന്നെ തീരുമാനിച്ചിരുന്നു. എന്നാൽ പിന്നീട് തെക്കൻകേരളത്തിലും മലപ്പുറം ജില്ലയിലും കനത്ത വെള്ളപ്പൊക്കം സംഭവിച്ച  പശ്ചാതലത്തിൽ ഓണാവധി കഴിഞ്ഞ് സ്കൂൾ തുറന്ന ആദ്യം ദിവസം തന്നെ നേരത്തെ നിശ്ചയിച്ച പഠനോപകരണ ശേഖരണത്തിന് രൂപം കാണുകയും അടുത്ത ദിവസം കുട്ടികളുടെ വിഹിതം എസ്.പി.സി. അംഗങ്ങൾ ശേഖരിക്കുകയും ചെയ്തു. സ്കൂളിൽ ഇപ്പോൾ പഠിച്ചുകൊണ്ടിരിക്കുന്നതോ അയൽവീടുകളിലോ പഠനോപകരണങ്ങൾ നഷ്ടപ്പെട്ട ആരും ഇല്ല എന്ന് ഉറപ്പ് വരുത്തിയ ശേഷം ശേഖരിച്ച നോട്ട് പുസ്തകങ്ങൾ, ബാഗുകൾ, പേനകൾ, ജ്യോമട്രി ബോക്സുകൾ, വാട്ടർബോട്ടിൽ എന്നിവ എസ്.പി.സി. അംഗങ്ങൾ ക്ലാസുകളിൽ ചെന്ന് നേരിട്ട് ശേഖരിച്ചു. ഇവ രണ്ട് പെട്ടിയിലാക്കി 30/08/2018 ന് മലപ്പുറം ജില്ലാ കളക്ടറെ എസ്.പി.സി. അംഗങ്ങൾ നേരിട്ട്  ഏൽപിച്ചു.